Mad Reality

a neva trouble u yesterdeh
a neva trouble u todeh
u si mi pon de street a sleep
a doh ave nuthin fi eat
u come trow dutty water pon mi
den u blame society

a dohn ave nuh whey fi guh
but yuh run mi fram stay
yah suh
a doh ave nuh close fi wear
all u do is stare
u nuh care

a neva trouble u yesterdeh
a neva trouble u todeh
u si mi pon de street a sleep
a doh ave nuthin fi eat
u come trow dutty water pon mi
den u blame society

u tink it easy dung yah
naw get nuh help from Jah
every day u pass an stare
a can si u a live inna fear
but a too busy to talk to mi head
sometimes a wish a was dead
a suh fraid a nex day a guh come
i afi lay dung inna de sun
an bun

a neva trouble u yesterdeh
a neva trouble u todeh
u si mi pon de street a sleep
a doh ave nuthin fi eat
u come trow dutty water pon mi
den u blame society

if u look in a mirror an neva si u head
would u think u was sleepin
or dead u dead
suppose u a drink wata one day
an fine seh de wata neva a stay
would u ask society fi change dem ways
or tink to u self u was passin through a phase

a neva trouble u yesterdeh
a neva trouble u todeh
u si mi pon de street a sleep
a doh ave nuthin fi eat
u come trow dutty water pon mi
den u blame society

u may seh dat dis is not true
but i was just like u
trying to mek ends meet
looking down on the people
on the street
but tings an time suh bad
de best of us eventually get mad
u sooh deh pon de street like mi
den a gwine si
who a guh blame society

a neva trouble u yesterdeh
a neva trouble u todeh
u si mi pan de street a sleep
a doh ave nuthin fi eat
u come trow dutty wata pon mi
den yuh blame society

Return to Blakk Wi Blak...k...k...