Junk Food

rememba de cold suppa
shop
dat u use fi stop at
u coulda eat anythin
it was like u granny cookin
corn dumplin and ackee
from big fat matte
stew peas and rice
use fi really taste nice
now a ice cream stand
teckin ova de lan.
junk food fullin up de place
dis is a nada disgrace
junk food fullin up de place
a now good food a guh guh
to waste

strawberry ice cream
rasberry ice cream
dem a bury wi
u nuh si
ice cream ice cream
hot dog ice cream
liven de american dream

junk food fullin up de place
dis is a nada disgrace
junk food fullin up de place
a now good food a guh guh
to waste

you know that sweet will
rot u teeth
but is only ice cream u a guh
get fi eat
jucks pon de corna a teck in
de scene
puffing up u belly wid ice cream
de scene get mean

run u mus
but u belly might buss
gun shot clap
one a u fren drop
flex out time
flex out time
leavin u ice cream behin

junk food fullin up de place
dis is a nada disgrace
junk food fullin up de place
a now good food a guh guh
to waste

folla fashion is de order of de day
caan get nuh food dat is wa dem se
miss mattie shop afi move
granny cooking out a groove
de disc jockey say
announcin de openin of a
ice cream stan
in de parish of St. Ann
nex month is Westmoreland
an anadda one in Clarendon
watch out Portland

strawberry ice cream
rasberry ice cream
dem a bury wi
u no si
ice cream ice cream
hot dog ice cream
liven de american dream

Back to The Ultimate Collection

Back to The Ultimate Collection