Famine Injection

is a plan a plan
is a plan yes a plan
destroyin wi lan
wid dem radio actttiiivvee reaction

atmospheric disturbance everywhere
3rd world yuh betta beware
radio activity on de lan
killin us by de million
now de weak mus get strong
to do longest liva de earth belong

is a plan a plan
is a plan yes a plan
destroyin wi lan
wid dem radio actttiiivvee reaction

growin food fi sell to dem
wat about our children
industalizin your piece of earth
wat dat really worth
ams buil up everywhere
yuh nuh si dem nuh care
beware beware

is a plan a plan
is a plan yes a plan
destroyin wi lan
wid dem radio actttiiivvee reaction

divide an rule is de game
act of god dem seh fi blame
but yuh nuh si
is only wi
a fell de drought
nuh food a wi mout
wi sell to dem
an buy it back agen
a terrible cycle wi inna mi fren
but call mi mad
is not an act of god

is a plan a plan
is a plan yes a plan
destroyin wi lan
wid dem radio actttiiivvee reaction

starwars is a reality
weather mishaps in de galaxies
temperatures of minus degrees
now everthing mus freeze
food aid is de cry
wile they sit an misuse de sky
wake up now men of high

is a plan a plan
is a plan yes a plan
destroyin wi lan
wid dem radio actttiiivvee reaction....

Back to The Mystery Unfolds