|
Mutabaruka Lyrics
DREAM
GIRL |
 |
Dis is very complex
An yuh really really meck mi vex
A was dreamin bout mi dream girl an yuh wake mi
Yuh know wat it mean
To find dat someone inna dream
Den all of a sudden full stop
Everyting jus end braps
Wat a dilemma
Mi fine mi self inna
Mi did feel suh nice
A wanda if a coulda dream de same ting twice
A dream dat mi lover was isis
Hmmmm.... Wat niceness
A dream dat a was jus sailin
On de nile.... de wind was wailin
A was dreamin bout a papyrus boat
An how mi an' har jussa float
Den a realize dis was in mi head
Yuh shub mi .. a nearly fall from de bed
A was dreamin bout mi dream girl an' yuh wake mi
Yuh know wat it mean
To find dat someone inna dream
A dream a was in dis park
A couldda only si har shadow in de dark
W'en de moon touch har skin
A seh almighty doh meck mi sin
Get a 'ole of yuh mine
Everyting is fine
Den yuh shake mi
An'wake mi
Yuh seh a was talkin to a lady
Yuh mus' be crazy...
Fi wake mi
Mi did feel suh nice
A wanda if a couldda dream de same ting twice
A was dreamin bout mi dream girl an' yuh wake mi
Yuh know wat it mean
To find dat someone inna dream
A dream 'bout har face
How everyting in place
A dream bout har lips
An' how it woulda feel if wi kiss
But like a movie wid a twist
Yuh wake mi from mi bliss
Wat a diss
Repeat first chorus
Now dat a wake anna panda
Pon de dream a start to wanda
Dat de dream was not jus' a dream of mi mind
But in reality a coulda use it as a sign
Dat in mi life a was doin jus fine
Dat a dream an' de awake can be one of a kind
Suh if a dream agen bout mi dream girl an' yuh wake mi
A gwey si de dream as mi suppressed reality
Dream on dreamer ....... |
|
|
| 
|
|
