Bun Dung Babylon

yuh tink a suh it aguh guh all de wile
yuh use wi everyday
an tell wi fi pray
an tings will get well
but wi still inna hell

wi aguh bun dung babylon
wi aguh bun dung babylon
wi aguh bun dung babylon
wi aguh bun dung babylon

yuh tink a suh it aguh guh all de wile
year afta year
wi liv inna fear
de yout dem caw get nuh work
dem a tun to garbage truk
while yuh buil up yuh mansion
an ave wi pon plantation
but mi fiel slave
mi nuh knoo how fi behave

wi aguh bun dung babylon
wi aguh bun dung babylon
wi aguh bun dung babylon
wi aguh bun dung babylon

yuh really tink a suh it aguh guh all de wile
yuh ghey de yout dope
wile yuh pray to de pope
fi ghey yuh more time
to commit more crime
but de same yout yuh dope
aguh teck it fi joke
an start a flame
not even yuh can tame

wi aguh bun dung babylon
wi aguh bun dung babylon
wi aguh bun dung babylon
wi aguh bun dung babylon

yuh tink a suh it aguh guh all di wile
dat wi a guh run
everytime yuh point yuh gun
an shoot one a wi
carelessly
one a dem nit
wen yuh tink tings alrite
wen yuh a get yuh desire
yuh house a guh ketch fire

wi aguh bun dung babylon
wi aguh bun dung babylon
wi aguh bun dung babylon
wi aguh bun dung babylon


Back to The Mystery Unfolds